Çempionlar Liqası: “Mançester Yunayted” və “Ayaks” səfərdən əlverişli nəticə ilə qayıdır - VİDEO
24-02-2022, 09:53
UEFA Çempionlar Liqasında 1/8 final mərhələsinin ilk görüşlərinə yekun vurulub.
Oxu.Az xəbər verir ki, son oyun günündə iki qarşılaşma keçirilib.
Madriddə “Atletiko” “Mançester Yunayted”i, Lissabonda “Benfika” “Ayaks”ı qəbul edib.
“Ronaldunun Madridə qayıdışı” onun komandası üçün elə də uğursuz alınmayıb. Premyer Liqa təmsilçisi oyun ərzində ev sahibinə minimal hesabla uduzsa da, sona yaxın hesabı bərabərləşdirə bilib – 1:1.
“Benfika” “Ayaks” matçı isə qonaqların oyunçusu Allerin həm öz komandasının, həm də rəqiblərin qapısına qol vurmasıyla yadda qalıb. Qarşılıqlı səylərə baxamayaraq, bu oyunda da qalibi müəyyən etmək mümkün olmayıb – 2:2
Qeyd edək ki, komandalar arasında cavab qarşılaşmaları martın 15-də keçiriləcək.