Əfqanıstanda hökumət binasına silahlı hücum nəticəsində 27 nəfər həlak olub.

"Report" TASS-a istinadən xəbər verir ki, bu barədə "Al Jazeera" telekanalı məlumat yayıb.

Məlumatda bildirilir ki, hadisə paytaxt Kabildə baş verib. Ölənlərin əksəriyyəti mülki şəxslərdir.

***18:45

Əfqanıstanın paytaxtı Kabil şəhərində daha iki partlayış baş verib, atışma səsləri gəlir.

“Report” “ToloNews” telekanalına istinadən xəbər verir ki, hadisə ölkənin İctimai İşlər Nazirliyi binasının qarşısında qeydə alınıb.

Şahidlərin dediyinə görə, partlayış nəticəsində azı 5 nəfər ölüb.

Bundan əvvəl həmin Nazirliyin qarşısında bir avtomobilin partladıldığı, sonra da bir qrup naməlum şəxsin ətrafa atəş açaraq içəri daxil olduqları, nəticədə dörd nəfərin xəsarət alaraq xəstəxanaya yerləşdirildiyi bildirilmişdi.
Video aşağıda:

#Kabul police spokesman confirmed the explosion in PD16 and said security forces have arrived in the area. No report of casualties so far. #Afghanistan pic.twitter.com/idFIOmCnAq

— TOLOnews (@TOLOnews) 24 декабря 2018 г.