Beynəlxalq Şahmat Federasiyasının (FİDE) fəxri üzvü, tanınmış rusiyalı riyaziyyatçı Eduard Dubovu Moskvada don vurub.

Oxu.Az “Ren” TV-yə istinadən xəbər verir ki, Dubov dekabrın 23-də gecə saatlarında ağır vəziyyətdə xəstəxanaya çatdırılıb.

Riyaziyyatçının ətraflarını kəskin şəkildə don vurduğu bildirilir. İlkin məlumatlara əsasən, mərhum hadisə zamanı spirtli içkinin təsiri altında olub.

Həkimlər onun həyatını xilas edə bilməyib, reanimasiyada dünyasını dəyişib.
Eduard Dubov - Moskva Riyaziyyat İcmasının üzvi idi. Şahmatda isə daha çox Sovet reytinq sisteminin yaradılmasına verdiyi töhfələrə görə tanınır. 90-cı illərdə Moskvanın Şahmat Federasiyasının rəhbəri olub.