ABŞ-da atışma nəticəsində uşaq ölüb

31-12-2018, 08:09           
ABŞ-da atışma nəticəsində uşaq ölüb
Amerikanın Texas ştatında naməlum şəxs içərisində qadın və dörd qızının olduğu avtomobilə atəş açıb.

“Report” RİA "Novosti"yə istinadən xəbər verir ki, bu barədə şerifin ofisinə istinadən ABC13 telekanalı məlumat yayıb.

Bildirilir ki, hadisə barədə məlumat şerif ofisinə bazar günü yerli vaxtla 7.15-də daxil olub. Beş nəfər "Walmart" mağazasından çıxıb gedən zaman naməlum şəxs onların maşınının qarşısını kəsib və atəş açmağa başlayıb.

Nəticədə 7 yaşlı qız uşağı ölüb, daha bir kiçik uşağa qəlpə dəyib. Onların anası əlindən güllə yarası alıb. Digər iki qız isə xəsarətsiz ötüşüb.

Polis cinayət işinin araşdırmasını davam etdirir.

Daha əvvəl də Texas ştatında, sakinlərdən birinin azyaşlı övladının ad günü münasibətilə keçirdiyi şənlik mərasimində atışma baş verib.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.