Yaponiyanın paytaxtı Tokionun Toyesu bazarında keçirilən hərracda 278 kiloqramlıq balıq 333,6 milyon ienə (3,1 milyon dollara yaxın) satılıb.

Teleqraf.com xəbər verir ki, bu barədə Yaponiyada məşhur olan “Suşi Dzammay” restoranlar şəbəkəsinin “Tvitter” səhifəsində məlumat yerləşdirilib.

Restoranlar şəbəkəsi bu balığı almaqdan məmnun olduğunu bildirib.

Qeyd edək ki, Yaponiyada keçirilən nəhəng balıq hərracı yeni il bayramından sonra işgüzar həyatın ilk istiqamətvericisi olur. Bu hərrac ölkə iqtisadiyyatında “küləyin istiqamətini” müəyyən edir. İri balığın ilk hərracda yüksək qiymətə satılması Yaponiyada yaxşı əlamət kimi qəbul olunur.