Rusiyada Kazaçinskoye-İrkutsk marşrutu ilə uçan təyyarənin göyərtəsində faciə baş verib.

Belə ki, təyyarədə havada ikən göyərtədə olan sərnişinlərdən biri ölüb.

Hadisə şahidlərinin sözlərinə görə, 47 yaşlı kişi qəfildən özünü pis hiss edib. Stüardessalar ona ilkin tibbi yardım göstərməyə çalışsalar da, səyləri nəticə verməyib, kişi tezliklə dünyasını dəyişib.

Hadisədən yarım saatdan sonra təyyarə İrkutska çatıb.

Sərnişinin ölümünə nəyin səbəb olduğu araşdırılır. İlkin məlumata görə, 47 yaşlı kişi ağır xəstəlikdən əziyyət çəkib.