Rus ordusu “Kernel” kənd təsərrüfatı holdinqini ələ keçirərək yerli hakimiyyət orqanları və Ukrayna Təhlükəsizlik Xidməti ilə danışıqlar aparılmasını tələb edirlər.

Axar.az xəbər verir ki, bu barədə Sum vilayətinin rəhbəri Dmitri Jivitski deyib.

“Əraziyə xeyli sayda texnika və snayper yerləşdiriblər. Ruslar dinc insanları güllələyirlər. İnsanlar zirzəmilərdə gizləniblər, çünki ruslar artıq qonşu Belovodı kəndində olublar - ora 4 piyada döyüş maşını ilə gedib, yerliləri güllələdilər, qarət etdilər, hədələdilər. İndi bazaya qayıdıblar, Ukrayna ilə danışıqlar tələb edirlər”.