Mariupol amansızcasına atəşə tutulub. Şəhər yer üzündən silinib, elektrik, istilik və qaz praktiki olaraq yoxdur, ölənlərin çoxu həyətlərdə basdırılıb.

Axar.az xəbər verir ki, bu barədə Mariupol Şəhər Şurası məlumat yayıb.

“Ukrayna ordusu şəhər uğrunda döyüşləri davam etdirir. Düşmən atəşi səngimir. Şəhərin bütün rayonlarında dağıntılar var: pəncərələr sındırılıb, ayrı-ayrı mənzillər və ya bütöv evlər dağılıb. Mariupolda işıq, su, qaz yoxdur. Mobil rabitə də yoxdur, ölkədəki vəziyyətdən xəbər tutmaq mümkün deyil. Bir çox şəhər əhalisi evin yaxınlığındakı odda yemək bişirir. Mariupolun müdafiəçiləri düşmənin şəhərə soxulmaq cəhdlərinin qarşısını alırlar. Sakinlər özləri də küçələrdə işğalçıların bayraqlarını görmək istəmirlər və bir-birlərinə fəal kömək edirlər. Ölən və yaralanan sakinlərin sayını hesablamaq hələ də çox çətindir. Ölənlərin cəsədləri qonşular tərəfindən düz fərdi evlərin həyətində basdırılır", - qeyd olunur.