Martın 10-dan Serbiya hökuməti buğda unu, qarğıdalı və bitki yağının ixracını qadağan edəcək.

“Report” xəbər verir ki, bunu Serbiya prezidenti Aleksandr Vuçiç deyib.

Serbiya lideri qeyd edib ki, ölkədən un və digər ərzaq məhsulları son dərəcə yüksək templə ixrac olunur:

“Böhranın dərinləşdiyi şəraitdə ölkə əhalisini qorumaq üçün bir sıra məhsulların ixracının məhdudlaşdırılması qərara alınıb. Cümə axşamından buğda unu, qarğıdalı, bitki yağı ixracı olmayacaq”.