Salyan rayonunda fərdi yaşayış evində yanğın olub.

“Report”un Aran bürosunun məlumatına görə, hadisə rayonun Aşağı kürkənd kəndində qeydə alınıb.

Yanğın yerinin kəşfiyyatı zamanı ev sahibi, 1953-cü il təvəllüdlü Əliyev Əliyar Alı oğlu və onun həyat yoldaşı, 1956-cü iltəvəllüdlü Əliyeva Elmira Mirzə qızının meyiti aşkar olunub.

Əliyar Əliyev Salyan rayon Suvarma Sistemləri idarəsində baş mühasib işləyirdi.

Qeyd edək ki, 5-6 il bundan öncə ölən ər və arvadın evinə basqın olmuşdu. Naməlum şəxs və şəxslər tərəfindən döyülən şəxslər xəstəxanaya yerləşdirilmişdi.