Afinada Sovet əsgərinin şərəfinə ucaldılan abidənin üzərinə “Azov” alayının adı yazılıb.

Axar.az xəbər verir ki, bununla da Afina sakinləri Rusiyaya qarşı mübarizə aparan qüvvələrin simvolu sayılan “Azov” alayına simpatiyalarını və rus əsgərinin işğalçı olduğunu nümayiş etdiriblər.

Rusiyanın bu ölkədəki səfiri faktı vandalizm aktı kimi qiymətləndirib və cinayətkarların tapılmasını tələb edib. Yunanıstan XİN olayı pisləyib.

Qeyd edək ki, 2005-ci ildə qoyulan abidə 1944-cü ildə alman əsirliyindən qaçaraq, yunan partizan hərəkatına qoşulan və nasizmə qarşı mübarizə aparan Sovet əsgərlərinin xatirəsinə həsr edilib.