Polşada Rusiyaya casusluqda şübhəli bilinən 45 nəfər müəyyən edilib.

Teref.az yeniavaz-a istinadən xəbər verir ki, bu barədə Polşanın Daxili Təhlükəsizlik Agentliyinin sözçüsü Stanislav Zarin məlumat yayıb. O bildirib ki, Rusiya adına casusluqda şübhəli bilinən diplomatik statusa malik 45 nəfər müəyyən edilib.

Agentliyin rəsmi açıqlamasında bildirilib ki, diplomatlar Polşanın milli təhlükəsizliyinə təhlükə yaradan Rusiya kəşfiyyat layihələrində iştirak ediblər. Qurum Polşa hökumətini onları ölkədən çıxarmağa çağırıb.

Qeyd olunub ki, casuslardan biri martın 17-də saxlanılan Polşa vətəndaşıdır.