Rusiyanın Ukraynaya genişmiqyaslı müdaxiləsi başlayandan bəri Poltava vilayətinin polisi yerli sakinlərdən 11 Rusiya tankı götürüb.
Yeniavaz.com UNİAN-a istinadən bildirir ki, bu barədə Poltava vilayətinin polis rəisi Yevgeni Roqaçov məlumat verib.
“Rusiyanın Ukraynaya genişmiqyaslı müdaxiləsi başlayandan Poltava vilayətinin polisi 11 tank, 2 zirehli texnika, 9 pulemyot, 5 tüfəng, 10 tapança, 4000-ə yaxın müxtəlif çaplı patron, 14 qumbaraatan ələ keçirib. 200-ə yaxın qeyri-qanuni dövriyyədən olan digər döyüş sursatları”, - deyə polisdən bildirilib.
“Meşə zolaqlarında, meşələrdə, tarlalarda və ya yol kənarlarında silah, döyüş sursatı, hərbi texnika, digər təhlükəli və ya şübhəli əşyalar aşkar edilərsə, dərhal 102 nömrəsinə polisə məlumat verin”, - deyə polis əlavə edib.