İsmayıllıda Uşaqların Beynəlxalq Müdafiəsi günü təntənə ile qeyd olundu.
Teref/info - 01 iyun 2016-cı il tarixində uşaq bağçalarında tərbiyə alan körpələrin və ibtidai sinif şagirdlərinin iştirakı ilə “Uşaqların Beynəlxalq Müdafiəsi günü” Gənclər Mərkəzində təntənə ile qey olundu
Tədbir E.Məmmədov adına İsmayıllı şəhər 3 nömrəli məktəb –liseyin birinci sinif şagirdlərinin təbrik məzmunlu şeirləri və xorla oxuduqları mahnılarla açıldı.
Rayon ərazisində fəaliyyət göstərən 10 uşaq bağçasının hər birindən gələn nümayəndələr bir-birindən maraqlı rəqslər və mahnılarla məharətlərini göstərdilər, bir-birini təbrik etdilər. Körpələrin hazırladıqları kiçik səhnəciklər orjinallığı və təbiiliyi ilə diqqəti cəlb etdi. İfa olunan mahnı və rəqslər multikulturalizim ilinə uyğun idi.
Akt zalında keçirilən bayram tədbirində çıxış edən rayon icra hakimiyyəti başçısının müavini Sevil Əhmədova tədbir iştirakçılarını rayon icra hakimiyyətinin rəhbərliyi adından səmimi təbrik etdi.
İl boyu tədbirlərdə fəallıq göstərən məktəbəqədər yaşlı 15 uşağa qiymətli hədiyyələr və diplomlar təqdim olundu.
Tədbir Heydər Əliyev adına parkda gəzinti, konsert və “Gülüstan” sarayında təşkil olunmuş çay süfrəsi arxasında əyləşib birgə nahar etməklə başa çatdı.
Teref/info