BƏƏ-nin yeni prezidenti seçildi

14-05-2022, 17:43           
BƏƏ-nin yeni prezidenti seçildi
Əbu-Dabinin vəliəhdi Şeyx Məhəmməd bin Zayed Əl Nəhyan Birləşmiş Ərəb Əmirliklərinin (BƏƏ) yeni prezidenti seçilərək, vəfat etmiş prezident Şeyx Xəlifə bin Zayed Əl Nəhyanı əvəzləyib.

Əyalətin 7 əmirliyindən ibarət olan BƏƏ Ali Şurası Məhəmməd bin Zayedin dövlət başçısı vəzifəsinə təyin edilməsi barədə qərar verib.

Məhəmməd bin Zayed bin Sultan Əl Nəhyan Əbu-Dabi əmirliyinin vəliəhdi və Birləşmiş Ərəb Əmirlikləri Silahlı Qüvvələrinin baş komandanının müavinidir.

2004-cü ilin noyabrında Əbu-Dabi şahzadəsi və varisi təyin edilən Məhəmməd bin Zayed Əl Nəhyan 2005-ci ilin yanvarında Birləşmiş Ərəb Əmirlikləri Silahlı Qüvvələrinin baş komandanının müavini təyin edilib. Eyni zamanda 2005-ci ilin yanvarında ona general rütbəsi verilib. Həmçinin Əbu-Dabi İnzibati Şurasının rəhbəri olan Məhəmməd bin Zayed Əl Nəhyan Əbu-Dabinin inkişafı və planlaşdırılması üzrə cavabdeh şəxslərdəndir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru