Ukraynaya hərbi təcavüzdə iştirak edən rusiyalı hərbçi dinc əhaliyə aman vermədiklərini deyib.

Yenicag.az unian.net-ə istinadən xəbər verir ki, Ukrayna xüsusi xidmətinin ələ keçirdiyi telefon danışığında rusiyalı hərbçi bunu öz xanımına etiraf edib.

Hərbçi xanımı ilə söhbətdə rusiyalı əsgərlərin Ukraynadakı dinc əhalini tərəddüdsüz güllələdiklərini deyib:

“Dinc əhali vecimizə deyil, onsuz da qaçacaq yerləri yoxdur. Onlar gecə yol tapıb qaçmağa çalışsalar da aman vermirik. Kim istəyibsə, gedə bilib. Qalanlarını isə məhv edirik (qeyri-senzura ilə – red.).

Hərbçinin xanımı da dinc ukraynalılar haqqında söyüşlü ifadələr işlədir.