Xankəndindəki separatçı erməni mediası guya Azərbaycan ordusunun təsərrüfat işləri məşğul olan erməni kəndlilərə bir neçə dəfə atəş açması haqda məlumat yayıb.

TEREF.AZ Moderator.az-a istinadla xəbər verir ki, sözügedən mənbələrin yaydığı məlumata görə, martın 1-i saat 14.00 radələrində (Moskva vaxtı ilə 13.00) “Belarus” traktoru ilə "Berdaşen" adlandırdıqları Qarakənd kəndində kənd təsərrüfatı işləri aparan 59 yaşlı S.Vardanyan atəşə tutulub, atəşdən sonra iş dayandırılıb.

Xəbərdə o da deyilir ki, Xocalı rayonundakı qondarma separatçı "polis" əməkdaşları kəndlilərin atəşə tutulması ilə bağlı materialları Rusiya "sülhməramlıları"na ötürüblər.

Dünən Moskva vaxtı ilə saat 19.00-da dərc olunan Rusiya "sülhməramlı" kontingentinin məlumat bülletenində Qarabağda atəş tutulması barədə hələki məlumat yoxdur.