Sabirabad fermerləri dövlət başçısına və kənd təsərrüfatı naziri Heydər Əsədova müraciət ediblər. DİA.AZ-a daxil olan məlumata əsasən Sabirabadda maliyyə idarəsinin rəisi Hüseynağa Gülüşov Kislovodsk şəhərində istirahətdədir. Bu isə rayondakı fermerlərə rəsmən problem yaradır.

Dia.az-a danışan mənbə iddia edir ki, hazırda dövlət büdcəsindən ayrılan və biçin tarla mövsümü ilə əlaqədar olaraq ayrılan hər hektara görə 40 manatlıq subsidiyalar verilməyib.

Sabirabad fermerləri bildirir ki, bütün rayonlar subsidiyaları alsalar da, Sabirabadırn maliyyə şöbəsinin müdiri Hüseynağa Gülüşov istirahət etdiyinə görə, problemlər yaranıb.

Mənbənin dia.az-a söylədikləri: “Fermerlər indi Hüseynağa Gülüşovu gözləyirlər. Yəni durumumuz maliyyə şöbəsinin müdirinin kefinin halından asılıdır”.