teref.aznun redaksiyasına zəng edən bir qrup Neftçala sakini bizi ilginc bir faktla tanış etdilər. Onların dediyini oxucularımıza çatdırırıq:
Azərbaycan Respublikasının prezidenti İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq baş prokuror Zakir Qaralov cari il martın 11-də saat 11:00-da Neftçala rayon prokurorluğunun inzibati binasında Neftçala, Cəlilabad, Biləsuvar və Cəbrayıl rayonlarında yaşayan vətəndaşları qəbul edəcək.
Sakinlər iddia edirlər ki, Neftçala rayonunun icra başçısı İsmayıl Vəliyev Neftçala rayon prokurorunu yanına çağırıb, onu hədələyərək bildirib ki, mənimlə bağlı heç bir şikayətçi Baş prokuror ilə görüşməyəcək.Əgər hansısa şikayətçi qəbula düşsə səni rayonda işləməyə imkan vermiyəcəm.

teref.az olaraq qeyd etmək istəyirik ki,,son günlər mətbuatda barəsində yayılan xəbərlərlə bağlı məlumatlardan ehtiyatlanan icra başçısı İsmayıl Vəliyev çıxarılan icra başçıları siyahısına düşmək istəmir. Xatırladaq ki regionlarda başlanan aksiyalar məhz Neftçala rayonunda İsmayıl Vəliyevin yarıtmaz əməllərindən qaynaqlanmışdı.

teref.az olaraq hörmətli İsmayıl Vəliyevin fikirlərini öyrənmək istəsəkdə ona ulaşa bilmədik.
Lakin yenədə hörmətli icra başçısının fikirlərinə yer verməyə hazırıq!
teref.az