Milli Məclisə 1 noyabrda keçiriləcək növbəti seçkilərlə bağlı deputatlığa namizədlərin mübarizəsi gərginləşir.

Modern.az saytının əldə etdiyi məlumata görə, 107 saylı Qazax seçki dairəsinin iki namizədi deputat mandatı almaq üçün daha şanslıdır.
Opponetlər heç bir partiyanın üzvü deyillər. Onlardan biri Sərdar Məmmədov, digəri isə Kamran Nəbizadədir.

Sərdar Məmmədov Milli Məclisdə sektor müdiri işləyir. İkincisi isə NKH Məhdud Məsuliyyətli Cəmiyyətinin İdarə Heyətinin sədridir.

Bu iki şəxs öz potensiallarını bildikləri üçün bir-birlərini çox ciddi rəqib hesab edirlər. Hazırda Sərdar Məmmədov və Kamran Nəbizadə arasında qızğın mübarizə gedir. Bu, bəzən açıq, bəzən də gizli xarakter alır.

Qazax seçicilərinin də deputatlığa adıçəkilən namizədlərə etimadı demək olar ki, bərabər səviyyədə bölünüb.