Mən Putinlə bağlı çox məyus olmuşam. Bunu deyə bilərəm. Amma biz insanların normal yaşaya bilməsi üçün nəsə edəcəyik.

Bakupost.az xəbər verir ki, bunu ABŞ prezidenti Donald Tramp Vladimir Putinlə bağlı məyusluğunu dilə gətirərkən deyib.

O, dünyanın diqqətini yenidən Ukrayna müharibəsindəki ağır itkilərə yönəldib:

“Bu, Ukraynaya yardım məsələsi deyil, bu, insanların yaşaması üçün köməkdir. Hər həftə yeddi min insan ölür, əsasən də əsgərlər. Amma yeddi min?! Əgər mən bunu dayandırmağa kömək edə bilirəmsə, düşünürəm ki, bunu etməyə borcluyam”.
Trampın bu açıqlaması həm Alyaska görüşündən sonra artan gərginliyin, həm də ABŞ-ın bundan sonra atacağı addımların müzakirəsini daha da intensivləşdirib.