Eynulla Fətullayevdən SƏRT SÖZLƏR: - "YAP nəhayət Siyavuş kimi murdar qaraguruhçu qüvvələrdən təmizlənir"
25-08-2020, 15:43
Eynulla Fətullayevdən SƏRT SÖZLƏR: “Ramiz Mehdiyev Prezident Administrasiyasının rəhbəri olsaydı ona böyük və bahalı gül dəsti göndərərdim. Amma indi Mehdiyev vəzifədə deyil. Ona heç səməni də düşmür...”.
Pravda.az-ın xəbərinə görə, bunu jurnalist Eynulla Fətullayev deyib.
E.Fətullayev əlavə edib: “Hərdən çox utanıram ki, belə cəmiyyətdə yaşayıram!”.
Jurnalist 21 il öncə Yeni Azərbaycan Partiyasından xaric edilməsi məsələsinə də toxunub: “Həyatımız çox rəngarəng, metamorfozlarla zəngindir. Düz 21 il bundan öncə Əli İnsanovun qruplaşmasının təhriki ilə azad fikirlər səsləndirdiyimə və sərbəst düşüncəmə görə Siyavuş Novruzovun sədrliyilə YAP-da mənə töhmət elan olundu, sonra isə uzun illər ərzində çalışdığım partiyadan xaric edildim. O zaman məni yalnız Sirus Təbrizli və Əli Nağıyev dəstəklədilər. Səbəb? 1999-cu ildə mən Ayaz Mütəlibova eks-prezident statusunum verilməsini və ehtiramla Bakıda yaşamasını təklif etmişdim, milli barışığa çağırmışdım... AXC qaraguruhu tərəfindən devrilmiş Mütəllibov bu gün Bakıda eks-prezident statusunda yaşayır. YAP isə yenilənəcək, sivil partiyaya çevriləcək və nəhayət Siyavuş kimi murdar qaraguruhçu qüvvələrdən təmizlənir! Allah Sirus Təbrizliyə rəhmət eləsin. Nə yazıq ki, o bu günü görmədi!”