Fransanın bu şəhərində qondarma rejimin də “bayrağı” asılıb
Fransada qondarma "Dağlıq Qarabağ Respublikası"nın bayrağı ictimai yerdə asılıb.

“Qafqazinfo”ya müraciət edən Fransada yaşayan azərbaycanlılar bildirib ki, dünən Lil şəhərində bir parkda Ermənistan bayrağı ilə yanaşı, qondarma “Dağlıq Qarabağ Respublikası”nın bayrağı da sancılıb.

Azərbaycanlı gənclər işğalçı Ermənistan tərəfindən yaradılmış qanunsuz rejimin qondarma bayrağının yığışdırılması üçün Azərbaycanın Fransadakı diplomatik korpusuna məlumat verəcəklərini bildiriblər.