"İqtidarla müxalifətin ən yüksək səviyyədə görüşü çox faydalı olardı”.

Bunu Qaynarinfo-ya açıqlamasında Ağ Partiya başqanı Tural Abbaslı deyib. O bildirib ki, bir müddətdir ki, ölkə başçısının partiya liderləriylə görüşəcəyi barədə söhbətlər gündəmdədir:

"Hələ Prezident Administrasiyasının Siyasi Partiyalarla və Qanunvericilik Hakimiyyəti ilə Əlaqələr Şöbəsinin rəhbəri partiyalarla görüşündən sonra bu barədə ciddi müzakirələr getdi. Mən də düşünürəm ki, ölkənin yaşadığı hazırkı qarışıq zamanda, iqtidar daxilində 5-ci kalonun fəaliyyətindən söhbət getdiyi bir zamanda iqtidarla müxalifətin ən yüksək səviyyədə görüşü və durum dəyərləndirməsi çox faydalı olardı. Həmçinin belə bir görüş demokratik münasibətlərin formalaşması istiqamətində gözəl nümunə yaradardı”.

Partiya başqanı qeyd edib ki, iqtidar-müxalifət - xalq həmrəyliyinin yaranması və hər şey Azərbaycan üçün prinsipi ətrafında birləşməyin zamanıdır.