Birləşmiş Ərəb Əmirlikləri və Bəhreyn ABŞ-ın vasitəçiliyi ilə bu gün Vaşinqtonda İsraillə əlaqələrin rəsmiləşdirilməsi ilə bağlı saziş imzalayacaqlar.

Teref.Az SalamNews-a istinadən xəbər verir ki, ötən gün Birləşmiş Ərəb Əmirlikləri XİN rəhbəri Abdullah bin Zayid Ali-Nihyan, Bəhreynin xarici işlər naziri Əbdül-Lətif əz-Zayani və İsrail baş naziri Benyamin Netanyahu Vaşinqtona gediblər.

Bu gün ABŞ prezidenti Donald Trampın da qatılacağı və çıxış edəcəyi mərasimdə iki ərəb dövlətilə İsrail saziş imzalayacaqlar.

Məlumata görə saziş imzalanmadan öncə dördtərəfli görüş keçirəcək.

Fələstinin baş naziri Məhəmməd Aştiya sazişin imzalandığı bu günü ərəb dünyası üçün çox acı gün adlandırıb.

BƏƏ və Bəhreynin bu addımı ərəb və müsəlman dünyasında böyük etirazlara səbəb olub.