“Tovuz hadisələrindən 2 ay keçəndən sonra yatıb-yatıb indi ayılan Minsk qrupu hansı siyasi etikanın sahibidir?!”

Bu fikirləri Qazet.az-a açıqlamasında Bakı Politoloqlar Klubunun sədri Zaur Məmmədov səsləndirib. Minsk qrupunun uzunmüddət sonra keçirdiyi iclasa toxunan ekpert verilən açıqlamaların pərdəasmaqdan başqa bir şey olmadığını qeyd edib.

“Anji Kaspşik və 3 həmsədrlər nəhayət ki, gözdən pərdə asmaq üçün iclas keçiriblər. Sentyabr ayının ortasında utanmazcasına həmsədrlər Ermənistan-Azərbaycan sərhədində iyul ayında yaranmış gərginliyi və Dağlıq Qarabağ münaqişəsi ilə bağlı hazırkı vəziyyəti müzakirə ediblər. Siz bəyənatdakı bu cümləyə baxın: Həmsədrlər bəyanatla çıxış edərək Azərbaycan və Ermənistan XİN başçılarını yaxın həftələrdə “qeyd-şərtsiz” danışıqlara başlamağa çağırıb.

Gülməlidir. Tovuzda Azərbaycana hücum edən, Şuşada yallı gedən, Qarabağla bağlı danışıqları pozacaq bəyanatlar verən Ermənistana etiraz etmək əvəzinə həmsədrlər 2 ay yatdıqdan sonra indi ayılaraq hər iki tərəfi danışıqlara səsləyirlər… ATƏT-in MQ artıq özünü tam çılpaqlığı ilə rüsvay etdi….”, – deyə Zaur Məmmədov əlavə edib.