Rusiya Donbasda hərbi təxribat hazırlaya bilər.

KONKRET.az xəbər verir ki, bunu Üçtərəfli Təmas Qrupunun Ukraynadan olan üzvü Sergey Qarmaş bildirib.

“Almanlar və fransızlar “Normand” formatı çərçivəsində tərəflərə təkliflərlə bağlı işi tamamlayıb. Müharibəni bitirmək üçün yol xəritəsi hazırlanıb. İndi Rusiyanın bu addımlara reaksiyasını gözləyirlər.

“Normand dördlüyü”ndəki vəziyyətdən narazı qalan və təşəbbüsü itirdiklərini görən Rusiya Donbasda hərbi təxribat hazırlayır ki, bu da rus sülhməramlılarının işğaldakı torpaqlara daxil olmasına səbəb ola bilər. Təxribatın Ukrayna Silahlı Qüvvələrinin əks hücumuna səbəb ola biləcəyindən qorxaraq müdafiəyə hazırlaşırlar”, – S.Qarmaş qeyd edib.

Qeyd edək ki, son günlər Donbasda yenidən müharibənin başlayacağı barədə ardıcıl məlumatlar yayılır.