“Çelsi”nin prezidenti Roman Abramoviç “HarperCollins” nəşriyyat evinə və yazıçı Katerin Beltona qarşı məhkəmə iddiası qaldırıb.

Teref.az xəbər verir ki, rusiyalı olixarqın bu addımına səbəb yazıçının “”Çelsi”ni Putinin tapşırığı ilə aldı” iddiaları olub. Məlumata görə, bu fikirlər qeyd edilən nəşriyyat evinin istehsal etdiyi və yazıçı Katerinin müəllifi olduğu kitabda əks olunub.

Abramoviç yayılan məlumatları böhtan adlandırıb və adıçəkilən yazıçını günahlandırıb. Onun sözlərinə görə, məhkəmədən öncə, problemin həll olunması istiqamətində addım atsa da, faydası olmayıb.

İş addımı bildirib ki, yayılan informasiya həm də klubun nüfuzuna ziyan vurub.

Qeyd edək ki, yazıçı Katerin Beltonun yazdığı “Putin’s People: How the KGB took back Russia and then took on the West” (Putinin adamları – KQB Rusiyanı necə geri aldı və Qərbə yönəldi) adlı kitabı 2020-ci ilin aprelində dərc olunub. sfera.az