Məsələnin həlli üçün nəzərdə tutulan bütün səyləri dəstəkləyirik. Müzakirələrin alternativi yoxdur. Humanitar dəhlizlərin hər gün açılmasını təklif etdik.

AZƏRTAC xəbər verir ki, bu fikirləri Rusiyanın xarici işlər naziri Sergey Lavrov Antalyada mətbuata açıqlamasında ifadə edib.

Rəsmi Ankaranın vasitəçiliyi əsasında Antalya Diplomatiya Forumu çərçivəsində Ukraynanın xarici işlər naziri Dmitri Kuleba ilə görüşdən sonra mətbuat nümayəndələri qarşısına çıxan Rusiya xarici siyasət idarəsinin rəhbəri Ukrayna böhranı ilə bağlı danışıqları faydalı adlandırıb.

Lavrov bildirib ki, Rusiya Prezidenti Vladimir Putin ukraynalı həmkarı Volodimir Zelenski ilə görüşməyə hər zaman hazırdır.