Bu gün Ukraynanın Rusiya hərbi işğalına qarşı qəhrəmancasına mübarizəsinin 17-ci günüdür.

Avropa.info xəbər verir ki, Ukrayna Silahlı Qüvvələrinin Baş Qərargahı hərbi əməliyyatların gedişi barədə məlumat yayıb.

Məlumatda qeyd olunur ki, müharibə başlayandan bəri Ukrayna ərazisində fəaliyyət göstərən Rusiya ordusuna məxsus 31 taktiki qrup zərərsizləşdirilib. “Düşmənin ehtiyat əsgər tapmaqda böyük problemləri var”,-deyə məlumatda bildirilir. ifadəsi işlədildi.

Ukrayna prezidenti Vladimir Zelenski Ukraynanın hava məkanının bağlanması tələbini dəstəklədiyinə görə Polşaya təşəkkür edib. Rusiya Ukrayna hava məkanının bağlanmasını “müharibə səbəbi” hesab edib. ABŞ və NATO isə Zelenskinin tələbinə qarşı çıxıb.

“YouTube” Rusiya dövləti tərəfindən maliyyələşdirilən media ilə əlaqəli kanallara qlobal miqyasda girişi bloklamağa başladığını elan edib.

Ukraynadan başlayan böyük miqrasiyanı 1945-ci ildən bəri Avropanın ən sürətlə böyüyən qaçqın böhranı olaraq xarakterizə edən BMT, təxminən 2,5 milyon insanın Ukraynadan qaçdığını açıqlayıb.