Dünyanın aparıcı nəşrlərində 177 Nobel mükafatçısının Rusiyanın Ukraynaya qarşı müharibəsini pisləyən məktubu dərc olunub.

KONKRET.az xəbər verir ki, bu barədə Ukrayna Yəhudi Konfederasiyasının prezidenti Boris Lojkin öz Facebook səhifəsində məlumat verib.

Məktubun müəllifləri müharibəni və “Rusiya Prezidenti Vladimir Putinin Ukraynanın mövcudluğunun legitimliyini inkarını” pislədiklərini bildiriblər.

“Rusiyanın işğalı onilliklər ərzində Rusiyanın beynəlxalq reputasiyasına xələl gətirdi. Bu, onun iqtisadi inkişafına əngəl törədəcək, xalqı üçün sıxıntı mənbəyinə çevriləcək. Tətbiq olunan sanksiyalar istedadlı və zəhmətkeş rusların dünya üzrə hərəkət azadlığını məhdudlaşdıracaq. Niyə Rusiya ilə dünya arasında divar hörmək lazımdır?”, – deyə onlar sual ünvanlayıblar.

Müraciəti bütün kateqoriyalar üzrə 170-dən çox Nobel mükafatı laureatı imzalayıb.