Danışıqların əvvəlində Rusiya bizim mövqeyimizi anlamaq istəmədi. Dedilər təslim olun, silahı yerə qoyun. İndi Rusiya danışıq tərzini dəyişib, bizimlə başqa tonda danışır, mövqeyimizi başa düşür.

Axar.az xəbər verir ki, bunu Ukrayna Prezident Ofisi rəhbərinin müavini İqor Jovkva deyib.

Jovkva bildirib ki, iki ölkənin dövlət başçılarının iştirakı ilə böyük irəliləyiş əldə etmək olar.

Qeyd edək ki, Ukrayna-Rusiya danışıqları martın 15-da davam etdirilib. Bu gün də növbəti raundun keçirilməsi gözlənilir.