ABŞ Hərbi Dəniz Qüvvələrinə aid gəminin İsveçin paytaxtı Stokholmdakı Frihamnen limanında lövbər saldığı bildirilib.


Manset.az xəbər verir ki, gəmi nüvə başlıqlı idarə olunan raketləri daşıya bilən “USS Forrest Sherman” döyüş gəmisidir.

İsveç Silahlı Qüvvələrinin mətbuat katibi Jonas Olsson bildirib ki, gəmi Baltik dənizində təlimdə iştirak edib və sonra Stokholma gəlib.


Gəminin niyə Stokholmda olduğunu manevrin sirri səbəbiylə izah edə bilməyəcəyini ifadə edən Olsson, gəminin cümə axşamına qədər dayanacağını, daha sonra yola düşəcəyini bildirib.


Olsson əlavə edib ki, Stokholmdan ayrıldıqdan sonra gəminin missiyasının nə olduğunu bilmir.


Rusiyanın rəsmi xəbər agentliyi TASS-ın xəbərinə görə, Baltik dənizinə girən ABŞ Hərbi Dəniz Qüvvələrinə aid “USS Donald Cook” və “USS Forrest Sherman” gəmilərinin Rusiya Baltik Donanması qüvvələri tərəfindən yaxından təqib edildiyi qeyd edilib.