Dünən - martın 17-də Laçındakı dövlət sərhədimizi qanunsuz şəkildə keçən Ermənistan parlamentinin "Hayastan" fraksiyasının deputatları Azərbaycan Respublikası Xocalı rayonunun Pirlər və Xanabad kəndlərində olublar. Dia.az moderator.az-a istinadla xəbər verir ki, erməni mediasının yaydığı məlumata görə, deputatlar Artur Xaçatryan, Qeqam Manukyan, Kristine Vardanyan, Yelena Kirakosyan "Daşnaksütyun" partiyasının Qarabağdakı nümayəndələrinin müşayiəti ilə Ağdam şəhəri yaxınlığındakı kəndlərimizə gəliblər.

Ermənistan parlamentinin üzvləri sözügedən kəndlərdəki qanunsuz "icma rəhbərləri" ilə "mövcud problemlərdən danışıb, kənd sakinləri ilə söhbət edib, düşmənin daim nəzarətində olan insanlara dəstək olduqlarını bildiribər".

Qəsbkar ölkə deputatlarının səfəri zamanı Azərbaycan ordusu mövqelərindən Azərbaycan mahnıları oxunub və buna cavab olaraq Pirlərdən erməni dilində "vətənpərvərlik" mahnıları səsləndirilməyə başlanıb.

Xatırladaq ki, "Hayastan" blokunun lideri Xocalı canisi, terrorçu eks-prezident, Putinin dostu Robert Köçəryandır...