BMT Baş Assambleyası Ukraynadakı humanitar vəziyyətlə bağlı Rusiya əleyhinə qətnamə qəbul edib.

Bu barədə “RİA Novosti” məlumat yayıb.

Qətnaməni bir neçə ölkə, o cümlədən, ABŞ, Ukrayna, Böyük Britaniya, Gürcüstan, Almaniya, Litva və Latviya birgə dəstəkləyib. Qətnamənin lehinə 140 dövlət səs verib, 38 dövlət bitərəf qalıb, Belarus, Eritreya, Şimali Koreya, Rusiya və Suriya əleyhinə çıxıb.

Qətnamədə deyilir ki, Rusiya Ukraynaya qarşı hərbi əməliyyatları dərhal dayandırmalıdır.