İranın xarici işlər naziri Hüseyn Əmir Abdullahiyan rəsmi səfərdə olduğu Livanda “ABŞ ilə güclü nüvə razılaşmasına hazır olduqlarını” bildirib.

Teref.az xəbər verir ki, Suriyadakı təmaslarından sonra iki günlük səfər üçün Beyruta gələn Abdullahiyan Livanın xarici işlər naziri Abdullah Buhabib ilə görüşüb.

Abdullahiyan görüşdən sonra Livanın dövlət televiziyasında yayımlanan çıxışında İranın nüvə proqramı ilə bağlı danışıqlara və onun regiona əks olunmasına toxunub.

O, İranın razılaşma üçün danışıqlar apardığı ölkələrlə razılığa gəlməsinin bütün regionun maraqlarına uyğun olacağını bəyan edib.

Ölkəsinin davamlı, güclü və yaxşı bir razılaşmaya hazır olduğunu ifadə edən Abdullahiyan “Ancaq biz İranın qırmızı xətlərini keçməsini qəbul etməyəcəyik” dedi. //manset.az