Rusiyanın mümkün hücumundan müdafiə üçün Almaniya İsrailinkinə bənzər raketdən müdafiə sistemi almağı düşünür.

Publika.az "Reuters"ə istinadla xəbər verir ki, bunu Almaniya kansleri Olaf Şolts deyib.

O, Almaniyanın İsrailin "Dəmir Günbəz"i kimi bir müdafiə sistemi almaq niyyətində olub-olmadığını soruşduqda, "Bu, şübhəsiz ki, müzakirə etdiyimiz şeylərdən biridir və yaxşı səbəbə görə" deyib.

Kansler Berlinin hansı tip raketdən müdafiə sistemini nəzərdən keçirdiyini açıqlamayıb.

Bunun “Patriot” hava hücumundan müdafiə sistemindən daha uzun mənzilli sistem olub-olmaması ilə bağlı suala Şolts belə cavab verib:

“Biz başa düşməliyik ki, öz maraqlarını müdafiə etmək üçün zorakılıqdan istifadə etməyə hazır olan bir qonşu var”.