Qərbin Rusiyaya qarşı sərt sanksiyaları "qəbuledilməzdir". RBK xəbər verir ki, bu barədə Çinin xarici işlər naziri Van Yi Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel ilə videodanışıqlar zamanı bildirib.

"Sərt sanksiyalar hər iki tərəfə zərər verə, vəziyyəti daha da çətinləşdirə və ziddiyyətləri gücləndirə bilər", - Van Yi deyib.

Bundan əlavə, Çin Xarici İşlər Nazirliyinin rəhbərinin sözlərinə görə, Avropa sanksiyaları münaqişənin tərəfi olmayan digər ölkələrə də ziyan vurur. "Dünyanı parçalayan üsullardan istifadə etmək olmaz", - o əlavə edib.