“Rusiya vahid panslavyan dövlətinin bütövlüyünü qoruyub saxlasaydı, ABŞ-la münaqişəni 35 il əvvəl həll edə bilərdi”.

Publika.az xəbər verir ki, bu fikri Rusiyanın Beynəlxalq Humanitar və Siyasi Araşdırmalar İnstitutunun politoloqu Vladimir Bruter səsləndirib.

“Birləşmiş Ştatlar hesab edir ki, onlar Rusiyanı strateji məğlubiyyətə uğrada, onu dünya siyasi sistemində aciz, qeyri-operativ hala gətirə bilərlər. Biz münaqişəni 35 il əvvəl həll edə bilərdik. Sovet İttifaqının dağılması ilə strateji məğlubiyyətə uğradıq. Amma sosialist sistemi deyil. Belovejskaya Puşçada çox qanuni olmayan görüş nəticəsində könüllü olaraq baş verən SSRİ-nin Ukrayna və Belarusiyaya dağılması, mövcud olduğu formada ümumi panslavyan dövləti ideyasını tamamilə yox etdi”, - Vladimir Bruter qeyd edib.

Bundan əvvəl ABŞ-ın sabiq prezidenti Donald Tramp bildirib ki, o, Amerikanın rəhbəri postunda qalaraq, Ukraynadakı münaqişəni 24 saat ərzində dayandıra bilər. Onun fikrincə, Kiyev tankları aldıqdan sonra Qərb ölkələri nüvə bombası göndərməyə keçəcək.