“Rusiyada hərbi komissarlıqlar təhsil müəssisələri rəhbərləri ilə birgə tələbələri vaxtından əvvəl orduya çağırılmaları üçün ərizə yazmağa vadar edirlər. Bu, həmin gəncləri yayda, təhsil ili bitəndən sonra yox, artıq apreldə orduya cəlb etməyə imkan verəcək”.

“AzPolitika.info” xəbər verir ki, bunu Rusiyanın “Verstka” nəşri yazıb.

Xəbərdə deyilir ki, xüsusilə Moskvadakı kolleclərin son kursunda oxuyan tələbələr vaxtından əvvəl tibbi komissiya və çağırış komissiyasından keçmək və asanlıqla imtahan verərək, təhsili başa vurmaqla şirnikləndirilir. Bundan sonra isə onlara dərhal hərbi komissarlığa çağırış vərəqəsi verilir.

Rusiyalı hüquq müdafiəçiləri bildirirlər ki, bu yolla gəncləri aldadır və ordu sıralarına vaxtından əvvəl cəlb edirlər ki, bir müddət sonra da onları Ukraynadakı müharibəyə göndərsinlər.