“ABŞ Prezidenti Co Bayden bu həftə "çox mənalı" müraciət edəcək”.

Bunu dövlət katibi Entoni Blinken deyib.

Bundan əvvəl “Dziennik Gazeta Prawna” qəzeti Amerika liderinin Ukraynada müharibənin ildönümündə ukraynalı həmkarı Vladimir Zelenski ilə Polşada görüşəcəyini yazmışdı. Ağ Ev daha sonra Baydenin fevralın 20-22-də Polşaya səfərini təsdiqləyib.

Öz növbəsində Ağ Evin sözçüsü Con Kirbi qeyd edib ki, Bayden Polşada çıxış edərək Rusiya Prezidenti Vladimir Putinə və ruslara müraciət edə bilər.

Xatırladaq ki, fevralın 24-də Ukraynada Rusiyanın başlatdığı müharibənin birinci ildönümüdür.

Fevralın 21-də Rusiya Prezidentinin Federal Məclisə müraciəti açıqlanacaq. Putinin mətbuat katibi Dmitri Peskovun sözlərinə görə, əsas mövzular ən aktual məsələlər, o cümlədən müharibə, ölkənin iqtisadiyyatı və sosial problemləri olacaq.