“KTMT Ermənistan sərhədlərini tanımaqdan imtina edib”

Teref.az “Caliber.az” saytına istinadla xəbər verir ki, Ermənistanın Təhlükəsizlik Şurasının katibi Armen Qriqoryan Ermənstanda fəaliyyət göstərən “Faktor” kanalına müsahiəsində deyib: “Məsələ “Ermənistan KTMT-ni tərk edəcəkmi?” deyil, “KTMT Ermənistanı tərk edəcəkmi?” sualıdır. KTMT Ermənistanın sərhədlərini tanımır və bu ciddi məsələdir. Sərhəd yoxdur – məsuliyyət zonası da yoxdur”.

Qriqoryan Ermənistanın bu məsələni qaldırdığını, lakin indiyədək həllini tapmadığını söyləyib.

O deyib: “Almatı razılaşmasında qeyd edilir ki, Sovet İttifaqının üzvü olan dövlətlərin inzibati sərhədləri müstəqillikdən sonra onlara dövlət sərhədləri olaraq “verilir”. Ermənistanın Azərbaycanla sərhədi var. Ola bilsin ki, bəzi sahələrdə demarkasiya aparılmayıb, lakin bu, bir neçə metr məsələsidir. Ermənistanın suveren ərazisi 29,8 min kvadrat kilometrdir”.