Rusiya-Ukrayna müharibəsinin 1-ci ildönümü ilə əlaqədar Rusiyanın Vaşinqtondakı səfirliyi qarşısında etiraz aksiyası keçirilib. Etirazçılar səfirlik binasını Ukrayna bayrağının rəngləri ilə işıqlandırıb.
HaberTürk bildirir ki, ABŞ-da yaşayan ukraynalıların, ABŞ və digər ölkələrin nümayəndələrinin, eləcə də rusların iştirak etdiyi aksiyada Rusiyaya müharibəni dayandırması üçün çağırış edilib.
“Müharibəyə son”, “Ukraynanı xilas et”, “Ukrayna, biz səninləyək” kimi şüarlar səsləndirən aksiya iştirakçıları müharibədə həyatını itirənlərin xatirəsinə şam yandırıblar.
Aksiyada iştirak edən ruslar “Hər kəs Ukraynanın yanında olmalıdır” və “Rusiya təkcə Ukraynaya qarşı deyil, həm də Qərbin demokratik mədəniyyətinə qarşı mübarizə aparır” - deyiblər.