Böyük Britaniyanın xarici işlər naziri Devid Kemeron Amerika qitəsinə səfərdən əvvəl yaxın günlərdə Folklend adalarına gedəcək.

Bu barədə Böyük Britaniya Xarici İşlər Nazirliyinin yaydığı məlumatda deyilir.

"Folklend adaları Britaniya ailəsinin dəyərli hissəsidir və onlar bu ailənin bir hissəsi olaraq qalmaq istədikcə, onların suverenliyi müzakirə mövzusu olmayacaq", - nazir səfərdən əvvəl deyib.

Orada o, yerli hakimiyyət orqanları ilə görüşəcək və Folklend müharibəsi zamanı həlak olmuş britaniyalı hərbçilərin xatirəsini yad edəcək.

Qeyd edək ki, Folklend adalarına Argentina da iddia edir və bunla bağlı iki ölkə arasında zaman-zaman gərginlik yaşanır.

Mənbə: publika.az