Britaniya Rusiyaya sanksiyalar qoydu – Navalnının ölümünə görə
22-02-2024, 08:18
Böyük Britaniya rusiyalı siyasətçi Aleksey Navalnının öldüyü “Qütb canavarı” həbsxanasının rəhbərliyinə qarşı sanksiyalar tətbiq edib.
Bu barədə Britaniya hökumətinin saytı məlumat yayıb.
Koloniyanın rəhbəri Vadim Kalinin və onun 5 müavininin Böyük Britaniyaya girişi qadağan ediləcək və onların aktivləri dondurulacaq. “Aydındır ki, Rusiya hakimiyyəti Navalnıya təhdid kimi baxıb və dəfələrlə onu susdurmağa çalışıb”, - xarici işlər naziri Devid Kemeron bildirib.
Hökumətin mətbuata açıqlamasında Britaniyanın Navalnının ölümünə cavab olaraq sanksiyalar tətbiq edən ilk ölkə olduğu qeyd edilib.