Fransanın paytaxtı Parisdə parlament seçkisinin ilk nəticələrinin elan edilməsindən dərhal sonra nümayişlər başlayıb.

Bu barədə Fransa KİV məlumat yayıb.

Qeyd olunur ki, polislə nümayişçilər arasında əsas toqquşma paytaxtdakı Respublika Meydanında baş verib. Əraziyə polis əməkdaşları göndəriliblər.

Nümayiş əvvəlcə sakit keçib, iştirakçılar səsvermənin nəticələrindən narazılıqlarını ifadə edərək antifaşist şüarlar səsləndiriblər. Sonra onlara hərəkatın radikal gəncləri qoşulublar. Onlar atəşfəşanlığa və məşəl yandırmağa, daha sonra kafelərin vitrinlərini dağıtmağa və zibil qutularını yandırmağa başlayıblar.

Polis buna cavab olaraq gözyaşardıcı qazdan istifadə edib.