Regionda (zəlzələnin episentri Livandadır) yeni müharibənin əlamətləri görünür, bu, şübhəsiz ki, Cənubi Qafqaza da təsir edəcək.

Bizim.Media erməni mediasına istinadən xəbər verir ki, bu barədə türkoloq Varujan Qeqamyan öz Facebook səhifəsində yazıb.

“Türkiyə Azərbaycan vasitəsilə “Zəngəzur dəhlizi”nin açılması üçün diplomatik və hərbi təzyiqləri artırır. Onların cədvəlinə uyğun olaraq, yaxın bir neçə ayda (ilin sonuna qədər) buna nail olmağa çalışmalıdırlar.

Rusiya-Türkiyə münasibətlərində gərginliyə gedə biləcək dərəcədə soyuma var. Bu ilin payızında Gürcüstanda qaynar geosiyasi döyüş gözlənilir: parlament seçkiləri təkcə seçkilərlə məhdudlaşmayacaq.

Bunların hamısı Ermənistan üçün partlayıcıdır. Lakin hamısına biganə yanaşılır”,- deyə erməni ekspert qeyd edib.