“Növbəti il üçün dövlət büdcəsində neftin qiymətinin 50 dollar hesablanacağı haqda indidən proqnoz vermək doğru olmazdı”.

Bu barədə AzVision.az-a açıqlamasında iqtisadçı deputat Vahid Əhmədov deyib. Millət vəkilinin sözlərinə görə, bu barədə konkret fikir söyləmək hələ tezidir:

“Dünyada çox ciddi siyasi proseslər gedir. Hər keçən gün dəyişikliklər baş verir. Ona görə də neftin qiymətinin necə olacağını indidən demək çox çətindir. İndidən deyirlər neft büdcədə 50 dollar olacaq, mən bu fikirlə razılaşmıram”.

Qeyd edək ki, hazırda 2016-cı il üçün Dövlət büdcəsi layihəsi üzərində iş aparılır. Maliyyə naziri Samir Şərifovun açıqlamasınan görə, büdcə layihəsinin ilkin variantında bir barrel neft üçün 50 dollar göstərilib.