İki məşhur bankdan yeni "Fed" proqnozu
19-03-2024, 12:44
ABŞ-ın ən böyük investisiya banklarından olan Goldman Sachs və JPMorgan FED-dən faiz endirimlərinin sayı ilə bağlı gözləntilərini azaldıb.
ABŞ Federal Ehtiyat Sisteminin (FED) sabah başlayacaq və çərşənbə günü sona çatacaq iclası ilə açıqlanacaq FED üzvlərinin faiz proqnozlarından əvvəl ABŞ-ın aparıcı investisiya banklarının faiz proqnozları açıqlanıb.
Goldman Sachs və JPMorgan bu il FED-dən gözlədikləri faiz endirimlərinin sayı ilə bağlı gözləntilərini azaldıb.
Goldman Sachs, FED-in bu il 4 dəfə faiz dərəcələrini 25 baz bənd azaldacağına dair gözləntisini 3 azalma və cəmi 75 baz bəndinə endirib.
Bu gözləntinin aşağı salınmasına səbəb kimi inflyasiya yolundakı cüzi yüksəlişi göstərən Goldman Sachs, 2025-ci ildə 4 faiz endirilməsi gözləntisini davam etdirərək, 2026-cı ildə 1 faiz endirilməsinin gözlənildiyini vurğulayıb.
JPMorgan, həmçinin 2024-cü il üçün ümumi faiz dərəcəsində azalma gözləntisini 125 baza bəndindən 75 baza bəndinə endirib.