Azərbaycan bayram günlərinin sayına görə ön sıralarda olan ölkələrdən biridir.

Nazirlər Kabinetinin qərarına görə, 2024-cü ildə iş günü hesab edilməyən 19 bayram var. Qərara əsasən, 2024-cü il yanvarın 1-2-i Yeni il bayramı, martın 20,21,22,23,24-ü Novruz bayramı, aprelin 10,11-i Ramazan Bayramı, iyunun 16,17-si Qurban bayramı müəyyən edilib. Maraqlıdır ki, uzun bayram günləri, qeyri-iş günləri ölkə iqtisadiyyatına, eləcə də şəxsi büdcəyə necə təsir edir?

Məsələ ilə bağlı iqtisadçı Natiq Cəfərli "Cebhe.info"-ya açıqlamasında bildirib ki, Azərbaycan iqtisadiyyatının daha çox enerji sektoruna açıq olduğuna və xidmət sahəsindən asılı olduğuna görə bayramlar ölkə iqtisadiyyatına ciddi təsir etmir:


"Çünki enerji sektoru bayramlarda da işləyir. Bayramlar ailə büdcəsinə isə təsirsiz ötüşmür. Ailə xərcləri artır. Lakin statistik rəqəmlər olmadığı üçün bunu təsdiq etmək olmur".